अरब कपको उद्घाटन खेलका लागि ६० हजार टिकट बिक्री गरिने

अल बायत रंगशालामा हुने अरब कप प्रतियोगिताको उद्घाटन खेलका लागि ६० हजार टिकट बिक्री गरिने भएको छ ।

अरब कपको ट्रफी अनावरणको कार्यक्रममा सुप्रिम कमिटी फर डेलिभरी एन्ड लिगेसीका प्रवक्ता खलिद अल नामाले कतार र बहराइन बिच हुने उद्घाटन खेलमा शतप्रतिशत दर्शकलाई प्रवेश दिने बताएका छन् ।

अरब व्यापारको बाटो झल्को दिनेगरि सुन बाट निर्मित ट्रफीको माथिल्लो भागमा अरबिक शब्द मवतानी कलाले लेखिएको छ ।

नोभेम्बर ३० देखि डिसेम्बर १८ सम्म कतारमा सुरु हुने अरब कपका लागि १६ राष्ट्रले सहभागिता जनाउनेछ्न् । फिफा विश्वकप लागि तयार भएको आठ मध्ये ६ रंगशालामा खेलहरु सन्चालन हुनेछ । टिकट दर २५ देखि २४५ रियाल बिच तोकिएको छ । टिकट फिफाको वेबसाईट र विभिन्न स्थानमा राखिएको काउन्टर बाट खरिद गर्न सकिनेछ । टिकट खरिद गरेपछि खेल हेर्न फ्यान आईडी अनिवार्य बनाउनुपर्नेछ ।