आइपीएल क्रिकेट: हैदरावादविरुद्ध पञ्जाबको जीत ।

गएराति भएको आइ पी एल क्रिकेटको १६ औँ खेलमा सनराइजर्स हैदरावाद विरुद्ध किङ्स ११ पञ्जाब १५ रनले विजयी भएको छ । टस जितेर पहिले व्याटिङ गरेको पञ्जाबले निर्धारित २० ओभरमा ३ विकेटको क्षतिमा १ सय ९३ रनको योगफल तयार पारेको थियो । १ सय ९४ रनको लक्ष्य पछ्याउँदै जवाफी व्याटिङ गरेको हैदरावादले २० ओभर खेल्दै ४ विकेट गुमाएर जम्मा १ सय ७८ रनमा समेटिएपछि पञ्जाबको जीत सुनिश्चित भएको हो ।

पञ्जाबको जीतमा क्रिस गेलको अविजित १ सय ४ रनको योगदान विशेष रह्यो । पञ्जाबलाई जिताउन मोहित शर्मा र आन्ड्रे टेले समान २÷२ विकेट लिएर सहयोग गरे ।

हिजोको जीतपछि पनि पञ्जाब अङ्क तालिकाको तेस्रो स्थानमा छ भने हैदरावाद दोस्रो स्थानमा रहेको छ ।आजको खेलमा चेन्नइ सुपर किङ्स र राजस्थान रोयल्स बीच राति सवा आठ बजे प्रतिस्पर्धा हुँदै छ ।

अङ्क तालिकामा चेन्नई चौथो स्थानमा छ भने राजस्थान पाँचौँ स्थानमा रहेको छ।