आज कतार र ओमान बीचको खेल हुँदै
फिफा विश्वकप २०२२ र एएफसी एसियन कप २०२३ को संयुक्त छनौट चरणको खेलमा आज कतारले ओमानको सामना गर्दैछ । खेल अल जनौब रंगशालामा बेलुका ७:३० बजे हुँदैछ ।
समूह ‘ ई ‘ मा रहेको कतार तीन खेल खेल्दै सात अंकका साथ शिर्ष स्थानमा छ । कतार भन्दा एक खेल कम खेलेको ओमानको ६ अंक रहेको छ । समूहमा भारत , बंगलादेश र अफगानिस्तान पनि सँगै रहेको छ ।
कतारले पछिल्लो खेलहरुमा अफगानिस्तान लाई ६ – ० बंगलादेशलाई २-० ले जितेको थियो । त्यस्तै भारत सँगको खेलमा भने कतारले गोलरहित बराबरीमा चित्त बुझाउन पर्यो । यता ओमानले भारतलाई २ -१ र अफगानिस्तानलाई ३ – ० ले हराएको छ ।
पछिल्लो भेट
कतार र ओमानले आजको खेल सहित जम्मा पाँच पटक आमनेसामने गर्दैछ । जसमा कतारले तीन पटक जितिसकेको छ भने एक बराबरी खेलेको छ । यद्यपी समूहको शिर्ष स्थानमा बस्न कतारले आजको खेल कम्तीमा पनि बराबरीमा रोक्न पर्ने हुन्छ ।
मेट्रो सेवा समय
खेल हेर्न दर्शकका लागि दोहा मेट्रोले आज सेवा समय बढाएको छ । अल वक्रा स्टेसन बाट अन्तिम मेट्रो राति १२ बजे छुट्नेछ ।
रंगशाला भित्र प्रतिबन्धित सामान तथा क्रियाकलाप
