कतारको पहिलो महिला मन्त्रीको निधन

कतारको पहिलो महिला मन्त्रीको निधन भएको छ । शिक्षा मन्त्रीको पद सम्हालेका शेखा अल मह्मोउदको हिजो निधन भएको हो ।

अरबिक भाषामा स्नातक गरेपछि मह्मोउदले सन्  १९७० देखि शिक्षक संगै विद्यालयको निर्देशिकाको काम सुरु गरेकी थिइन् । १९९६ को अमिरी राजाज्ञा नम्बर ७९ मा रहेर शिक्षा मन्त्रीको सचीव रहिन । सन्  २००३ मा उनी शिक्षा मन्त्री संगै देशको इतिहासकै पहिलो महिला मन्त्री बनेकी थिइन् । उनले २००९ सम्म आफ्नो कार्यभार सम्हाले ।

शिक्षा क्षेत्रमा दिएको योगदानको कदरमा उनी अरब वोर्ल्ड २००२ को नारी दिवसमा सम्मानित भएकी थिइन् । त्यस्तै २०१८ मा  कतार युनिभर्सिटीले उनलाई सामाजिक दायित्वको उपाधि समेत दिएको थियो ।