कतार आइसकेपछि कोरोना परिक्षण गर्न नपर्ने
कतारमा कोभिड-१९ रोकथामका लागि अपनाउनुपर्ने सुरक्षाको नियम अन्तर्गत कतार आइसकेपछि गर्नुपर्ने कोरोना परिक्षणको नियम हटेकाे छ ।
प्रधानमन्त्री तथा आन्तरिक मन्त्री शेख खलिद बिन खलिफा बिन अब्दुलअजिज अल थानीको नेतृत्वमा हिजो बसेको मन्त्रीपरिषदको बैठकद्वारा केहि नियम खारेज गरिएको छ ।
नोभेम्बर १ देखि लागू हुने नियम :
१. कतार आईसकेपछि २४ घन्टा भित्र पिसिआर वा एन्टिजेन परिक्षण गर्नपर्ने नियम खारेज गरिएको छ ।
२. अस्पतालमा बाहेक अन्य स्थानमा एह्तेराज र मास्कको प्रयोग गर्न नपर्ने । बन्द सार्वजनिक स्थानमा काम गर्ने कर्मचारीलाई मास्क अझै अनिवार्य रहनेछ ।
३. भिजिट भिसामा र बिदामा गएर आउने यात्रुलाई पिसिआर परिक्षण नचाहिने भएको छ ।
४. कतार आइसकेपछि क्वारेन्टाइन बस्ननपर्ने । कोरोना देखिए आफै आइसोलेसनमा बस्नुपर्नेछ।
कतार आउँदा अपनाउनु पर्ने सुरक्षाका नियम सम्बन्धि पूरा जानकारीका स्वास्थ्य मन्त्रालयको वेबसाईट बाट हेर्न सकिन्छ ।
