कतार १-० ले पराजित

अन्तराष्ट्रिय मैत्रीपूर्ण खेल अन्तर्गत चेक रिपब्लिक सँग कतारले हार बेहोरेको छ।अल दुहैल रंगशालामा हिजो साँझ भएको खेलमा कतारले १ – ० ले पराजित भएको हो।

फिफा वरियतामा चेक रिपब्लिक भन्दा ५१ स्थानले तल रहेको कतारले आकर्षक खेल प्रदर्शन गरेपनि खाता भने खोल्न सकेन।चेक रिपब्लिकका लागि १५ औं मिनेटमा अन्टोनिन बाराक ले गरेको गाेल नै निर्णायक बन्न पुगेको थियो ।

कतारले आगामी मंगलबार २०१८ विश्वकपको लागि छनौट भइसकेको आइसल्याण्ड सँग खेल्दैछ।यता हालसालै भएको खेलमा चेक रिपब्लिक ले आइसल्याण्ड लाई २-१ ले हराएको थियो।खेल अल दुहैल रंगशालामा साँझ ७:३० बाट सुरु हुनेछ।साथै दर्शकहरुले निशुल्क खेल समेत हेर्न पाउनेछ।