चलचित्र ‘पञ्चायत’ प्रदर्शन हुने
देश विदेशमा आयोजित विभिन्न अवार्ड समारोहमा मनोनयन तथा उपाधि जित्न सफल चलचित्र पञ्चायत कतारमा पनि प्रदर्शन हुने भएको छ।
आफ्नो जिल्लामा एम्बुलेन्स सेवा सुचारु गर्ने उद्देश्यले मकवानपुर मिलन केन्द्र कतारको आयोजनामा चलचित्र आउँदो शुक्रबार अगस्ट ३ तारिख ग्रान्ड मल सँगै रहेको एसियन टाउन सिनेमा हलमा बेलुका ३ बजे प्रदर्शन हुँदैछ। चलचित्रको लागि टिकट दर २५ रियाल राखिएको छ।
नेपालमा पञ्चायत शासन हुँदाको बेला जनजीवनमा भोग्नु परेका पीडाको यथार्थ चलचित्रमा प्रस्तुत गरिएको छ। गत वर्षको अन्त्यमा नेपालभर प्रदर्शन भएको चलचित्र पञ्चायतले विषेशगरी अमेरिकामा आयोजित सान फ्रान्सिस्को फिल्म फेस्टिवलमा उत्कृष्ट विदेशी भाषाको चलचित्र सँगै नायिका नीता ढुंगानाले उत्कृष्ट नायिकाको अवार्ड हात पारेकी थिइन्।
शिवम अधिकारीको लेखन तथा निर्देशन रहेको चलचित्रमा सरोज खनाल,निता ढुंगाना,रुपा राना,गीता अधिकारी,गणेश गिरी,जहान्वी बस्नेत,सुचित्रा उप्रेती,प्रकृति ढुङ्गेल,बिशाल पहाडी लगायतका कलाकारहरुको मुख्य भूमिका रहेको छ।
टिकट तथा अन्य जानकारीको लागि सरोज पुडासैनी ३३७५९३३३, रमेश तिवारी ५०३९७१२२,नारायण श्रेष्ठ ५५७४३८६९,युवराज थापा ७७३०३६५१ मा सम्पर्क गर्न सकिनेछ।
