‘नयाँ बर्ष धमाका २०७५’ सम्पन्न
केशव चापागाईं
सिपमुलक तालिम केन्द्र स्थापनाको लागि मेची महाकाली सेवा समाजको आयोजनामा गत शुक्रबार “नयाँ वर्ष धमाका २०७५” सम्पन्न भएको छ।दोहा स्थित गल्फ होराइजन होटलमा आयोजित कार्यक्रममा नेपाल बाट आएका गायक श्री कृष्ण लुइँटेल,सीमान्त सन्तोष र जादूगर तथा हास्य कलाकार महादेव त्रिपाठी लगायत दर्जनौ स्थानीय कलाकारको प्रस्तुती रहेको थियो।
स्थानीय कलाकार टंक रसाइलीको स्वरमा ‘दर्शन नमस्ते’ बोलको गीत बाट सुरु भएको कार्यक्रममा गाएक सीमान्त सन्तोषले आफ्नो चर्चित गीत “दुर्गाले मुर्गा बनाई”, “पुजाको थाली हौ” लगायत प्रस्तुत गरेका थिए।त्यस्तै माधव त्रिपाठीको नृत्य तथा जादुले कार्यक्रम रोमाञ्चक बनेको थियो।नेपाल बाटै आएका अर्का चर्चित गायक श्री कृष्ण लुइँटेलले ” ए बा किन्देउ न भटभटे,साली कमला,बाकेँ बर्दिया,सुनको सिक्री जस्ता आफ्ना हिट गित गाएका थिए ।
कार्यक्रममा विभिन्न सहयोगी तथा कलाकारलाई सम्मान समेत गरिएको थियो।कार्यक्रम प्रवासी नेपाली मञ्चका संस्थापक अध्यक्ष तथा एनआरएनए/आइसिसीका मानार्थ सदस्य कमलमणी गुरागाईंको प्रमुख आतिथ्यता र संस्थाका अध्यक्ष दोर्ण प्रसाद भेटुवालको सभापतित्वमा सम्पन्न भएको थियो।
