बाङ्लादेशमाथि कतारको सहज जित

एसियन च्याम्पियन कतारले बाङ्लादेशमाथि सहज जित हात पारेको छ । विश्वकप २०२२ र एसियन कप २०२३ को संयुक्त छनौट खेल अन्तर्गत दोहाको अब्दुलाह बिन खलिफा रंगशालामा हिजो भएको खेलमा कतारले प्रतिद्वन्दी बाङ्लादेशलाई शुन्यका विरुद्ध ५ गोलले हराएको छ ।

कतारको जितको लागि अलि हतेमले ९ ,अक्रम अफिफले ३३ र ९२ र अल्मोएज अलिले पेनाल्टी मार्फत ७२ र ७८ औं मिनेटमा गोल गरेका थिए ।

जित संगै कतार १६ अङ्क संगै समूह “इ” को शिर्ष स्थानमा उक्लिएको छ । उता एक खेल खेल्न बाँकी ओमानको १२ अन्कुका साथ दोस्रो स्थानमा छ ।

आयोजक राष्ट्रको हिसाबले कतार २०२२ को फिफा विश्वकपको लागि स्वत छनौट भैसकेको छ भने चीनमा हुने २०२३ एसियन कपको लागि कतारले आफ्नो समूहको शिर्ष स्थान कायम राख्नुपर्नेछ ।