भोलि चलचित्र ‘शत्रु गते’ प्रदर्शन हुने
नेपालमा सर्वाधिक सफल चलचित्र ‘शत्रु गते’ भोलि कतारमा पनि चल्ने भएको छ। चलचित्र ग्रान्ड मल सनैया नजिकैको एसियन टाउन सिनेमाको हल नम्बर ३ मा बेलुका ३ :३० बजे प्रदर्शन हुँदैछ। बहुप्रतिक्षितमानिएको यस चलचित्रलाई कस्तो राम्रो इभेन्टसले कतारमा प्रदर्शन गर्न लागेको हो।
पछिल्लो समयमा चर्चामा रहन सफल गायक तथा संगीतकार टंक बुढाथोकी साथमा चलचित्र हेर्न पाइने आयोजकका निर्देशक निमा भुसालले क्युएन खबरलाई जानकारी दिएका छन्।
चलचित्रको लागि टिकट दर ३५(अगाडि),७५ (फेमिली) र बाँकी ५० रियाल तोकिएको छ।
कमेडी जनरामा सामाजिक कथा बोकेको चलचित्र ‘शत्रु गते’ लाई निर्देशक प्रदीप भट्टराईले चलचित्र विभागमा बाधक बन्न पात्रहरूको वरिपरि घुमाएका छन्।
चलचित्रमा पल शाह, आँचल शर्मा,मदनकृष्ण श्रेष्ठ,हरिवंश आचार्य,वसुन्धरा भुसाल,राजाराम पौडेल,दीपकराज गिरी,दीपाश्री निरौला,शिवहरि पौडेल,किरण केसी,प्रियंका कार्की लगायतको मुख्य अभिनय रहेको छ।
