भोलि बिहान सम्म कुहिरो लाग्ने
आज राती देशको प्राय स्थानमा कुहिरो लाग्ने मौसम विभागले जनाएको छ । विभागले आज जारी गरेको दैनिक रिपोर्टमा कुहिरोको कारण विशेषगरि दक्षिण क्षेत्रमा प्रत्यक्षता घटेर १ किलोमीटर भन्दा कम हुने उल्लेख छ ।
कुहिरोको अवस्थामा भोलि बिहान १० बजे पछि मात्र सुधार आउने विभागले बताएको छ । सवारी चालकलाई बढी ध्यान दिन र मौसम बारे अपडेट लिन आफ्नो आधिकारिक सामाजिक सन्जाल फलो गर्न पनि विभागले आग्रह गरेको छ ।
❗️Some areas of the country are witnessing a slight decreasing in the visibility as a result of mist formation, and it is expected to increase the spread and intensity to become fog in the coming hours.#Qatar
— أرصاد قطر (@Qatar_Weather) February 23, 2020
कुहिरोको समयमा सवारी चालकले ध्यान दिनुपर्ने कुराहरु
१.अत्यावश्यक अवस्थामा मात्र सवारी चलाऔ
यस्तो समयमा सवारी चाप बढी हुनेभएकोले सकेसम्म सवारीको प्रयोग नगर्दा नै बेस हुनेछ । चलाउनै परेको अवस्थामा कम गतिमा वा धैर्यताका साथ चलाउनुहोस ।
२.बाटोमा ध्यान दिनुहोस
कम प्रत्यक्षता र सवारी चाप बढी हुने भएकोले बाटामो ध्यान दिन उचित हुनेछ । मोबाईल फोनमा व्यस्त हुँदा दुर्घटना हुने खतरा बढी हुन्छ ।
३.ठुलो हेडलाईटको प्रयोग नगर्नुहोस
कुुहिरोको बेला पानीको थोपाले प्रकाश आफैतिर फर्कने गर्दछ त्यसैले सानो हेडलाइट प्रयोग गर्दा बेस हुनेछ । कुहिरोको बेला बाल्ने लाइट प्रयोग गर्दा अझ बेस हुनेछ ।
४.हिटर चलाउनुहोस
मौसम चिसो हुनेभएको कारण हिटर प्रयोग गर्दा बाहिरको प्रत्यक्षता बढी देखिन्छ ।
५.सडकको लेन नबदल्नुहोस
प्रत्यक्षता कम भएको बेला सडकको लेन बदल्दा दुर्घटना हुने खतरा बढ्दछ । लेन नबदल्न सडकको बाँया पट्टी रहेको सेतो धर्का पछ्याउनुहोस ।
६.अर्को सवारीको आवाज सुन्नुहोस
सवारी भित्र बढी आवाजमा गाना बजाउँदा वा सवारी तीब्र गतिमा कुदाउँदा नजिकको सवारी बाट आएको आवाजमा ध्यान नजान सक्छ । त्यसैले प्रत्यक्षता कम भएको बेला नजिकको सवारीे प्रति बढी ध्यान दिनपर्नेहुन्छ । सवारीको झ्याल केही खोल्नुहोस ।
७.वाइपरको प्रयोग गर्नुहोस साथै सवारी कम्तिमा १ मिटर दुरीमा राख्नुहोस ।
८.सडकको बिचमा सवारी नरोक्नुहोस
व्यस्त सडकको बिचमा सवारी रोक्दा पछाडी बाट आउने सवारीले नदेख्न सक्छ । रोक्नै परेमा सडकको किनारमा हुने पार्किङ्ग एरियामा रोक्नुहोस ।
