मेस्सीको ह्याट्रिकसँगै बार्सिलोना यो सिजनको ला लिगा उपाधि उचाल्न सफल

लियोनल मेस्सीको ह्याट्रिकसँगै बार्सिलोना यो सिजनको ला लिगा उपाधि उचाल्न सफल भएको छ ।

गएरातिको खेलमा डेपोर्टिभो ला कोरुनालाई चार दुई गोल अन्तरले हराउदै बार्सिलोनाले उपाधी पक्का गरेको हो । ८० मिनेटसम्म दुई–दुई गोल भएको अवस्थामा अन्तिम दश मिनेटमा मेस्सीले दुई गोल गर्दै बार्सिलोनका लागि उपाधी सुनिश्चित गरेका हुन । यसअघि खेलको ७ औं मिनेटमा फिलिप काउटिन्होले र ३८ औं मिनेटमा मेस्सीले बार्सिलोनका लागि एक–एक गोल गरेका थिए । पराजित डेपोर्टिभोका लागि लुकासले ४० औँ मिनेटमा र कोलाकले ६४ औँ मिनेटमा गोल गरे टिमलाई हारवाट जोगाउन सकेनन् । बार्सिलोनाको यो २५ औं ला लिगा उपाधि हो ।

यो सिजनका ३८ मध्ये ३४ खेल जितेको बार्सिलोनाको ८६ अंक रहेको छ । उसलाई पछ्याइरहेको एथ्लेटिको मड्रिडले ३५ खेलबाट ७५ अंक जोडेको छ । रियल मड्रिड भने ३४ खेलबाट ७१ अंकमा सीमित भएको छ । अबका बाँकी ३ खेल एथ्लेटिकोले जित्दा पनि बार्सिलोनासँग रहेको ११ अंकको दुरी भेट्न असम्भव भएसँगै बार्सिलोनाले चार खेल अगावै उपाधि उचालेको हो ।