राजदूतलाई नेपाली फुटबल टिम कतारको जर्सी हस्तान्तरण
नेपाली फुटबल टिम कतारले आज महामहिम राजदुत नारदनाथ भारद्वाजलाई नेपाली टिमको जर्सी हस्तान्तरण गरेको छ । कतारस्थित नेपाली राजदूतावासको कार्यालय पुगि टिमले ‘भिजिट नेपाल २०२०’ लोगो अंकित जर्सी संगै मायाको चिनो उपहार प्रदान गरेको हो । भ्रमण वर्षको प्रचार प्रसार गर्न नेपाली टिमले यस वर्ष प्रतियोगितामा लोगो अंकित जर्सी,ट्रयाकसुट र ब्यानर प्रयोग गरेको छ । टिमले आउने बिहिबार बाङ्लादेश विरुद्ध अल अरबी रंगशालामा बेलुका ८ बजे प्रतियोगिताको पहिलो खेल खेल्दैछ ।
आज भएको भेटमा टिमले जारी आठौं एसियन आप्रवासी फुटबलमा नेपालको सहभागिता र प्रतियोगिता बारे राजदूत समक्ष विस्तृत गरेको छ ।
टिमको प्रतिनिधित्व गर्दै अध्यक्ष सन्जिव रानाभाट,प्रशिक्षक सन्जिव वाइवा,सल्लाहकार श्याम भुसाल र दुर्गा प्याकुरेल दूतावास पुगेका थिए ।
टिमले अन्य १२ देशका प्रमुखलाई समेत भिजिट नेपाल २०२० लोगो अंकित मायाको चिनो प्रदान गर्ने अध्यक्ष रानाभाटले क्युएन खबरलाई जानकारी दिएका छन् ।
