रोनाल्डाे र मेस्सी बिच भिडन्त हुने
वर्तमान फुटबल जगतको दुई गोट भनेर चिनिने लियोनल मेस्सी र क्रिस्टियानो रोनाल्डाे पुन एकपटक आमनेसामने हुने पक्का भएको छ ।
पोर्चुगेली खेलाडी रोनाल्डाे भर्खरै मात्र साउदी अरेबियाको लिग खेल्न अल नास्सर क्लबमा अनुबन्धित भएका हुन् । रोनाल्डाे प्रतिवन्धका कारण हालसम्म मैदानमा देखिएका छैनन् ।
साउदीको प्रमुख लिगको दुई दाबेदारी अल नास्सर र अल हिलाल क्लब मिलेर फ्रान्सेली क्लब पिएसजी बिच मैत्रीपूर्ण खेल हुने तय भएको छ ।
त्यसका लागि पिएसजी जनवरी १७ मा कतार आउनेछ । खलिफा अन्तर्राष्ट्रिय रंगशालामा अभ्यास सकेर टिम रियाद जानेछ । दुई क्लब बिचको मैत्रीपूर्ण खेल जनवरी १९ मा रियादको किङ फहाद रंगशालामा हुने पिएसजी क्लबले बताएको छ । टिममा मेस्सी ,नेयमार,एम्बाप्पे,रामोस लगायतका खेलाडी समावेश छन् ।
मेस्सी र रोनाल्डाेले हालसम्म ३४ खेल खेलिसकेका छन् । जसमध्ये मेस्सीले १५ र रोनाल्डाेले १० खेल जितेका छन् ।
