सिएफसी फुटबल : सिएफसी ब्लु र युवाईएफसी क्लब सेमिफाइनलमा

सिएफसी क्लबको आयोजनामा भैरहेको दोस्रो नक आउट फुटबल प्रतियोगिता अन्तर्गत क्वाटर फाईनलको अन्तिम दुई खेल सम्पन्न भएको छ ।

शुक्रबार भएको पहिलो खेलमा युवाईएफसीले नाइन स्टार क्लबलाई ६-० गोल अन्तरले पराजित गरेको छ । युवाईएफसीको जितको लागि शेष र नवीनले ह्याटि्रक पूरा गरेका थिए । खेलमा म्यान अफ द म्याच नवीनले पाएका थिए ।

शुक्रबार नै भएको दोस्रो खेलमा सिएफसी ब्लुले राइजिङ स्टार क्लबलाई ११ -० को फराकिलो अन्तरले हराएको छ  । सिएफसीको जितको लागि कप्तान अर्जुन सुब्बाले ६, यमन महर्जनले २,मिलन थापा,राजकुमार चौधरी र उत्सब राईले एक एक गोल गरेका थिए । खेलको म्यान अफ द म्याच अर्जुन सुब्बाले भए ।

प्रतियोगिताको सेमिफाइनल अन्तर्गत आउने शुक्रवार सिएफसी ब्लु विरुद्ध पेट्रो क्लब र युवाईएफसी विरुद्ध हिप्पिज ब्रो क्लबबिचको खेल हुँदैछ ।