१५ जनाले जिते दुई ओटा बीएमडब्लु कार र ५ लाख रियाल
एक महिने “शप कतार २०१८” अन्तर्गतको पहिलो हप्ता १५ जना भाग्यशाली ग्राहक गरेर जम्मा २ ओटा बीएमडब्लु कार सँगै ५ लाख रियाल पुरस्कार हात पारेका छन्।मल अफ कतारमा हिजो आयोजित कार्यक्रममा जनवरी ७ देखि ११ सम्म जम्मा भएका २५ हजार भन्दा बढी भाउचरको लक्की ड्र भएको थियो।
विदेशी तथा कतारबासीहरुले यस फेस्टिवलमा अझै तीन हप्ता पुरस्कार जित्ने मौका रहेको छ।त्यसका लागि फेस्टिवल लागेको १३ मलहरु मध्येबाट दुई सय रियाल भन्दा माथि खर्च गरी लक्की ड्र को भाउचर प्राप्त गर्न सकिनेछ।फेस्टिबलमा अझै दुई ओटा बीएमडब्लु कारका साथै दश हजारदेखि एक लाख सम्मका १३ नगद पुरस्कारहरू बाँकी छन्।
अबको लक्की ड्र जनवरी १८ र २५ तारिख क्रमश तावर मल र अल सलाम मलमा हुनेछ।त्यस्तैगरी अन्तिम लक्की ड्र दोहा फेस्टिवल सिटीमा फेब्रुअरी ८ तारिख हुनेछ।
सपिङ्ग फेस्टिवल लागेका मलहरु
अल खोर मल, सिटी सेन्टर दोहा, गल्फ मल, दोहा फेस्टिवल सिटी, ह्याट प्लाजा, लगुना मल, ल्यान्डमार्क मल, मल अफ कतार, तावर मल, द गेट मल, भिलाजियो मल, इज्दान मल र दर अल सलाम मल ।
