४८ औं अमिर कपको उपाधि अल सादले जित्यो

जाभी हेर्नान्देजको प्रशिक्षणमा रहेको अल साद क्लबले ४८ औं अमिर कपको उपाधि जितेको छ । कतारको राष्ट्रिय दिवसको अवसर पारेर भएको प्रतियोगिताको फाइनल खेलमा अल सादले अल अरबी क्लबलाई २-१ को गोल अन्तरले हराएको हो । सोहि खेलको लागि आजै फिफा विश्वकपको चौथो रंगशाला अल रय्यानको उद्घाटन पनि गरिएको छ ।

अल सादको लागि बौन्देजाले खेलको चौथो मिनेटमा गोल गरेका थिए । यता अल अरबीका अरोन गनआर्सनले खेलको २३ औं मिनेटमा बराबरी गोल फर्काएका थिए । खेलको ४५ औं मिनेटमा बौन्देजाले नै गोल गर्दै अल सादलाई उपाधि दिलाउन सफल भए । सन् १९७२ देखि सुरु भएको प्रतियोगितामा अल साद कल्बको यो १७ औं जित हो।