अनिवार्य रुपमा मास्क लगाउन पर्ने
सेवा दिने क्षेत्रमा काम गर्ने र निर्माण क्षेत्रमा काम गर्ने कामदारले अनिवार्य रुपमा मास्क लगाउन पर्ने नियम कतार सरकारले लगाएको छ । त्यस्तै ग्राहकलाई मास्क नलगाई कुनैपनि सुपरमार्केटमा प्रवेश गर्न नदिईने भएको छ ।
नियम आइतबार अप्रिल २६ देखि अर्को सुचना जारी नहुन्जेलसम्मका लागि लागू हुनेछ ।
हिजो बसेको मन्त्रीपरिषदको बैठकमा भएको निर्णय अनुसार सामान किन्न जाने ग्राहकले बिना मास्क मार्केट छिर्न पाउने छैनन् । त्यस्तै पसलले पनि बिना मास्क कसैलाई प्रवेश गर्न नदिन बताईएको छ ।
The Cabinet decided that workers in contracting sector are obligated to wear masks while carrying out their duties and tasks, and officials in this sector should provide these masks and adhere to the established precautionary measures. #QNA
— Qatar News Agency (@QNAEnglish) April 22, 2020
भाइरस बाट बच्न चालिएको सुरक्षाको कदम अन्तर्गत सरकारी तथा निजि क्षेत्रमा सेवा दिने कामदार र निर्माण क्षेत्रका कामदारले पनि कामको समयमा अनिवार्य रुपमा मास्कको प्रयोग गर्नुपर्नेछ । नियम पालना गर्न गराउन त्यस क्षेत्रका अधिकारीहरु जिम्मेवार रहने मन्त्रालयले बताएको छ ।
नियम उल्लंघन गर्ने जो कोहिलाई १९९० को कानुन नम्बर १७ बमोजिम तीन वर्ष जेल सजाय वा दुई लाख रियाल जरिवाना वा ती मध्ये एकको सजाय हुने मन्त्रालयले बताएको छ ।
निजी सवारीमा चालकसहित दुई जना भन्दा बढी चढ्न नपाउने
निजी सवारीमा आज अप्रिल २५ देखी अर्को सुचना नआउन्जेलसम्म चालकसहित दुई जना भन्दा बढी चढ्न नपाउने भएको छ । नियम परिवार र कम्पनीको सवारीमा भने लागू नहुने मन्त्रालयले बताएको छ ।
