अन्तर्राष्ट्रिय मैत्रीपूर्ण फुटबल : नेपालले आज ओमानको सामना गर्दै

एएफसी एसियन कप छनौटका लागि प्रशिक्षण गर्न यतिखेर कतारमा रहेको नेपाली राष्ट्रिय फुटबल टोलीले आज दोस्रो मैत्रीपूर्ण खेलमा ओमानको सामना गर्दैछ ।

टोलीले यसअघि टिमोर लेस्टेसंग २-२ को बरबारी र अर्को अनौपचारिक खेलमा नेपालले श्रीलंका संग १-१ को बराबरी खेलेको छ ।

खेल दोहा स्थित सुहेम बिन हमाद रंगशालामा बेलुका ७ बजे सुरु हुनेछ। खेल हेर्न दर्शकलाई प्रवेश दिइने छैन ।

हेड टु हेड

नेपाल र ओमान हालसम्म ११ पटक आमनेसामने भएका छन्। जसमध्येको सम्पूर्ण खेल ओमानले जितेको छ । ति खेलहरुमा ओमानले ४५ र नेपालले १ गोल गरेको छ । दक्षिण अफ्रिका विश्वकपको छनौटका लागि पछिल्लो पटक भएको खेलमा ओमान २-० ले विजयी भएको थियो ।

फिफा वरियतामा नेपाल १६८औं स्थानमा र ओमान ७५ औं स्थानमा छ ।