अमिर इरान भ्रमणमा

अमिर शेख तमिम बिन हमाद अल थानी इरान पुग्नुभएको छ । सुल्तान कबुस बिन सैदको निधनमा श्रद्धाञ्जली व्यक्त गर्न अमिर आज बिहान ओमान प्रस्थान गर्नुभएको थियो । त्यहाँ बाट सिधै अमिर इरान भ्रमणमा निस्किनुभएको हो ।

राष्ट्रपति संगको भेटमा अमिरले पछिल्लो खाडी क्षेत्रको अवस्था,विशेषगरी इरानमा हालको गतिविधि र त्यहाँको सुरक्षाका लागि शान्तिपूर्ण उपाय लगायतको बारेमा छलफल गरिने कतार न्यूज एजेन्सीले जनाएको छ ।

गत हप्ता कतारका विदेशमन्त्री तथा उपप्रधानमन्त्री शेख मोहम्मद बिन अब्दुलरेह्मान अल थानीले इरानका राष्ट्रपति हस्सन रोउहनी संग भेटघाट गर्नुभएको थियो ।

छिमेकी राष्ट्रको नाकाबन्दीको समयमा इरानले २४ घण्टा भित्र कतारलाई खाद्यान्न समाग्री उपलब्ध गराएको थियो ।