अरेबियन गल्फ कपमा कतारको विजयी सुरुवात

इराकमा जारी २५ औं अरेबियन गल्फ कपको आफ्नो पहिलो खेलमा कतारले विजयी सुरुवात गरेको छ ।

अल मिना ओलम्पिक रंगशालामा आज भएको खेलमा कतारले प्रतिद्वन्दी कुवेतलाई २ – ० गोल अन्तरले पराजित गरेको छ ।

कतारको जितको लागि खेलको २३ औ मिनेटमा सुराग र ३८ औं मिनेटमा अल्लाल्दीनले गोल गरेका थिए । आजै भएको अर्को खेलमा बहराइनले र युएईलाई २ -१ ले पराजित गरेको छ । कतारले आउने मंगलबार बहराइनसंग प्रतिस्पर्धा गर्नेछ ।