रसियामा जारी विश्वकप फुटबलको समूह ‘डी’ रहेको विश्वकपको दाबेदार मानिएको अर्जेन्टिना आफ्नो पहिलो खेलमा आइसल्याण्डसँग अंक बाँड्न बाध्य भएको छ । लिओनल मेस्सी पेनाल्टीमा चुक्दा आइसल्याण्डले विश्वको डेब्यू खेलमै अर्जेन्टिनालाई बराबरीमा रोकिएको हो ।

आज भएको पहिलो खेलमा विश्वकपमा पहिलो सहभागिता जनाएको आईसल्याण्डसंग बराबरी खेल्दै अर्जेन्टिनाले कमजोर सुरुवात गरेको हो । खेलको १९ औं मिनेटमा कुन एगुरोको आकर्षक गोलबाट अर्जेन्टिनाले अग्रता लिएको थियो । तर त्यो अग्रता धेरै समय टिक्न सकेन । त्यसको ४ मिनेट पछि नै फिनबोगसनले आकर्षक गोल गर्दै आईसल्याण्डलाई बराबरीको स्थितिमा पुर्‍यो । अर्जेन्टिनाको कमजोर डिफेन्सको फाईदा उठाउँदै पछि परेको आइसल्याण्ड खेलमा फर्किएको थियो ।

खेलमा अर्जेन्टिना पुरै हावी भएपनि गोल गर्न नसक्दा सुरुवात राम्रो हुन सकेन् । उसका स्टार खेलाडी लियोनेल मेस्सीले प्रहार गरेको पेनाल्टी आइसल्याण्डका गोलकिपरले उत्कृष्ट बचाउ गरेका थिए । 

(हाइलाइट भिडियो)