आज ३,८७८ जनामा कोरोना भाइरसको संक्रमण,थप १ जनाको ज्यान गयो

कतारमा कोरोना संक्रमितको संख्या केहि दिन देखि तिब्रताको साथ उकालो लागेको छ ।

आज देशभर थप ३,८७८ जनामा कोरोना भाइरस संक्रमण र ७१४ जनालाई निको भएको स्वास्थ्य मन्त्रालयले जानकारी दिएको छ । भाइरसको कारण आज एक ६४ वर्षिय व्यक्तिको ज्यान गएको छ ।

कतारमा कोरोनाभाइरसको महामारी सुरु भएयता यो अहिलेसम्मकै उच्च संक्रमित संख्या हो ।

आज भाइरस देखिएका मध्ये ३,३३५ जना स्थानिय र ५४३ जना अन्य देश बाट आएका यात्रुहरु हुन् । यो संगै कतारमा भाइरस संक्रमण पुष्टि भएको कुल संख्या २,७४,५२९ पुगेको छ । स्वास्थ्य मन्त्रालयको पछिल्लो २४ घण्टाको रिपोर्ट अनुसार ३६,८१२ जनालाई परिक्षण गरिएको थियो ।

गएको २४ घण्टा भित्रकाे तथ्यांक  

अस्पतालमा उपचार भैरहेका जम्मा – ५५३ जना

आईसीयुमा उपचार भैरहेका जम्मा – ५१ जना

निको हुनेको संख्या : २,४८,७७९

आज सम्म खोप वितरण : ५२,९६,८४८

बुस्टर डाेज खोप वितरण : ३,४९,५६६

आजको खोप वितरण : १७,५८३

निको हुन बाँकीको संख्या : २५,१३१

ज्यान जानेको संख्या : ६१९ जना

कसैमा भाइरस सम्बन्धि लक्षण देखा परे तुरुन्त १६००० मा सम्पर्क गर्न मन्त्रालयले सबैमा आग्रह गरेको छ ।