आयो क्रिकेटर सन्दिप लामिछानेको पहिलो म्युजिक भिडियो

नेपालकै उत्कृष्ट क्रिकेट खेलाडी सन्दीप लामिछानेले इन्डियन प्रिमियर लिग (आईपीएल) तथा क्यारेबियन प्रिमियर लिग (सीपीएल) खेलबाट धेरैको मन जित्न सफल भए, क्रिकेटबाट मात्र होइन उनले पछिल्लो समय आफ्नो गायकी बाट पनि धेरै को मन जितेका छन् । 

सन्दीपको पहिलो “उदास थियो” बोलको गीतको टिजर सार्वजनिक भएको केहि दिनमै ९२ हजारले उक्त गित हेरेका थिए भने सो टिजर भाईरल समेत भएको थियो । करिब एक महिना अगाडि आफ्नो यूटुब च्यानल मार्फत अडियो गीत सबर्जनिक गरेका सन्दीपले उक्त पहिलो गीतको म्युजिक भिडियो भने हिजो मात्रै एक समारोहका बीच सार्वजनिक गरेका छन् । 
 
सन्दीपको पहिलो एल्बम प्रतीक्षाबाट पहिलो “उदास थियो” बोलको गीतलाई विनोद तिमिल्सिनाले लेखेका छन् भने अनिल धितालले संगीत र सनिश सुनुवारले म्युजिक एरेन्ज गरेका छन् । 
जीवन भट्टराई र सृष्टि खड्काको अभिनय रहेको भिडियोमा निशान घिमिरेको निर्देशन, अर्जुन तिवारीको छायांकन तथा विकाश दहालको सम्पादन रहेको छ । 

यस्तो छ म्युजिक भिडियो !