उपाधिका लागि युवाईएफसी र सिएफसी ब्लु भिड्ने

सिएफसी क्लबको आयोजनामा भैरहेको दोस्रो नक आउट फुटबल प्रतियोगिताको उपाधिका लागि युवाईएफसी र सिएफसी ब्लु भिड्ने भएको छ ।

एमआईसी स्पोर्ट्स सेन्टरको खेल मैदानमा हिजो भएको पहिलो खेलमा युवाईएफसीले हिप्पिज ब्रो क्लबलाई १-० गोल अन्तरले हराएको छ । युवाईएफसीको जितका लागि निर्णायक गोल म्यान अफ द म्याच घोषित भएका रोशन थापाले गरेका थिए ।

हिजै भएको दोस्रो सेमिफाइनल खेलमा आयोजक सिएफसी ब्लुले पेट्रो एफसीलाई २-१ ले पराजित गरेको छ। सिएफसीको जितका लागि लागी राजकुमार चौधरी र मिलन थापाले एक एक गोल गरेका थिए । त्यस्तै पेट्रोको तर्फ बाट सन्जय मण्डलले सान्त्वना गोल फर्काए । खेलमा सिएफसीका गोलरक्षक बसन्त तामाङ र देवराज चौधरी म्यान अफ द म्याच चुनिए ।

आउने शुक्रबार हुने फाइनल खेल संगै समापन समारोहमा सहभागी हुन सम्पूर्ण खेल प्रेमी दर्शकलाई आयोजक पक्षले अनुरोध गरेको छ ।