एसियन कपको उद्घाटन र फाइनल खेल लुसेल रंगशालामा हुने
कतारले अर्को वर्ष आयोजना गर्न लागेको एसियन कपको उद्घाटन र समापन खेल लुसेल रंगशालामा हुने तय भएको छ ।
८८ हजार दर्शक क्षमता भएको रंगशालामा हालसालै सम्पन्न भएको फिफा विश्वकपको फाइनल खेल आयोजना भएको थियो ।
एसियाली फुटबल महासंघ (एएफसी) र एएफसी एसियन कप कतार २०२३ स्थानीय आयोजक समितिले उद्घाटन खेल र फाइनल खेलिने भेन्यू हिजो पक्का गरेको हो।
जनवरी १२ देखि फेब्रुअरी १२ सम्म आयोजना हुने प्रतियोगितामा २४ राष्ट्रले सहभागी जनाउँदै छन् ।
समूह ‘ए’ मा समावेश डिफेन्डिङ च्याम्पियन कतारले लेबनानसंग बेलुका ७ बजे उद्घाटन खेल खेल्नेछ ।
कतारले सन् १९८८ र २०११ मा उक्त प्रतियोगिता आयोजना गरिसकेको छ । त्यस्तै सन् २०१९ मा युएईमा भएको पछिल्लो प्रतियोगिता कतारले जितेको थियो ।
यो खबर पढेर तपाईलाई कस्तो महसुस भयो ? प्रतिक्रिया दिनुहोस् !
35
मनपर्यो
139
खुसी लाग्यो
7
दुःख लाग्यो
16
रुन मन लाग्यो
41
हाँसो लाग्यो
4
रीस उठ्यो
