एसियन कपको लागि ६,००० स्वयंसेवकको आव्हान
कतारमा अर्को वर्ष आयोजना हुने एएफसी एसियन कप प्रतियोगिताको लागि स्थानीय आयोजक समितिले स्वयंसेवकको लागि आव्हान गरेको छ । जम्मा बीस कार्य क्षेत्रको लागि कतार भित्र बाट ६ हजार स्वेमसेवक भर्ना गरिने समितिले बताएको छ ।
स्वयंसेवकका लागि आवेदन दिन कतारी नागरिक वा कतारी आईडी धावक हुनेपर्नेछ । आवेदन https://volunteer.asiancup2023.qa/login मार्फत दिन सकिनेछ ।
यसअघि कतारले आयोजना गरेको तीन फिफा क्लब विश्वकप,फिफा विश्वकप र अमिर कपमा ३५ हजार भन्दा बढी स्वेमसेवक परिचालन गरिएको थियो ।
स्वयंसेवक भर्ती केन्द्र लुसेल रंगशालामा रहनेछ। सर्टलिस्ट गरिएका आवेदकहरूलाई आमनेसामने समूह अन्तर्वार्ताका लागि सोही रंगशालामा बोलाइने समितिले बताएको छ ।
अन्तर्वार्तामा छानिएका आवेदकहरुलाई प्रशिक्षण दिइने र पहिरन वितरण गरिनेछ । केही स्वयंसेवकहरुले डिसेम्बर १ देखि नै आफ्नो काम थाल्नुपर्ने समितिले भनेको छ ।
