कतारमा ‘कबड्डी ४’ दोस्रो हप्तामा

पहिलो हप्ताको अपार सफलतापछि कतारमा ‘कबड्डी ४’ को प्रदर्शन दोस्रो हप्तामा पनि हुने भएको छ ।

गएको जुन ९ देखि सबै सिनेमा हलहरुमा फिल्मको प्रदर्शमा भएको थियो । फिल्मले पाएको ७१ मध्ये २५ शो हाउसफुल भएको थियो । दोस्रो हप्तामा पनि फिल्मले लगभग उस्तै संख्यामा शो पाएको आयोजक पक्षले क्युएन खबरलाई जानकारी दिएको छ ।

रामबाबु गुरुङद्वारा निर्देशित फिल्ममा मिरुना मगर ,गौमाया गुरुङ, सौगात मल्ल,दयाहाङ राई, बुद्धि तामाङ, विजय बराल, पुष्कर गुरुङ, कविता आले, माओत्से गुरुङ, शारदा अधिकारी, प्रकाश घिमिरे र कमलमणी नेपाल आदिको अभिनय देख्न सकिन्छ ।

नेपालमा २१ करोड बढीको ग्रस कलेक्सन गरेको ‘कबड्डी’का अघिल्ला तीनवटा सिरिज समेत ब्लकबस्टर भएका थिए । 

फिल्मको शो समय ,हल र टिकट बुकिङको लागि यहाँ थिच्नुहोस ।