कतारमा ‘जारी’ प्रदर्शन हुने

दयाहाङ राई र मिरुना मगरको मुख्य भूमिका रहेको चलचित्र जारी कतारमा पनि प्रदर्शन हुने पक्का भएको छ ।

अप्रिल २७ देखि देशभरका प्राय हलहरुमा चलचित्र प्रदर्शनमा आउने आयोजक कस्तो राम्रो इभेन्टस् ले क्युएन खबरलाई जानकारी दिएको छ ।

नेपालमा बैशाख १ गते देखि प्रदर्शनमा आएको चलचित्रले हालसम्म ५ करोड माथिको ग्रस व्यापार गरिसकेको छ ।

लिम्बु समुदाय भित्रको प्रेमकथामा आधारित रहेको चलचित्रमा आफ्नो श्रीमतीलाई फिर्ता ल्याउन पुरुषले गर्नु परेको संघर्षलाई देखाइएको छ ।

उपेन्द्र सुब्बाको लेखन तथा निर्देशन रहेको फिल्मलाई रामबाबु गुरुङले निर्माण गरेका हुन्।

बासुरी फिल्म्स ब्यानरकाे फिल्ममा दयाहाङ र मिरुनासँगै विजय बराल, रोयदीप श्रेष्ठ, रेखा लिम्बु, कमलमणी नेपाल, पुष्कर गुरुङलगायत कलाकारको अभिनय छ।