कतार आइपुगे सागर आले
पहिलो नेपाल आइडलको उत्कृष्ट चारमा पर्न सफल सागर आले मगर दोस्रो पटक कतार आइपुगेका छन्।उदयपुर जिल्लाको त्रियुगा नगरपालिका भित्रका बिभिन्न स्थानमा रहेका गरीब,अनाथ तथा सुस्त मनस्थिति बालबालिकाहरूको सहयोगार्थ त्रियुगा नगर प्रवासी युवा समूह कतारले आयोजना गर्ने सांगीतिक धमाका लागि गायक आले आज बिहान कतार आएका हुन्।
भोलि आयोजना हुन लागेको कार्यक्रममा जिल्लावासी कलाकारहरु गायक फिरोज बस्नेत,नृत्यकार एमजे मिथुन,रेखा राई,सिर्जु बर्देरा,सविता लगायत स्थानीय गायक देवराज न्यौपाने,लोक दोहोरी गायक रितकुमार श्रेष्ठ,यू एण्ड आई डान्स क्रु को प्रस्तुति रहनेछ।
कार्यक्रम भोलि दोहाको अल अहली क्लब नजिकैको रेजेन्सी हलमा हुने तय गरिएको छ। कार्यक्रमको लागि टिकट दर ५५,१०५ र २०५(भीआईपी) रियाल तोकिएको आयोजक पक्षले क्युएन खबरलाई जानकारी दिएको छ।
टिकट सम्पूर्ण नेपाली होटलहरुमा उपलब्ध छन्।कार्यक्रम वारे थप जानकारी लिन ५०७३०२०५,७०४३२८५० मा सम्पर्क गर्न सकिनेछ।
