कतार र इरान फाइनल प्रवेशका लागि भिड्दै
खेल अल थुमामा स्टेडियममा बेलुका ६ बजे सुरु हुने छ ।
साविक विजेता कतार र तीन पटकको विजेता इरान कतारमा जारी एएफसी एसियन कपको फाइनल प्रवेशका लागि भिड्दै छन् । यो दोस्रो सेमिफाइनल खेल अल थुमामा स्टेडियममा बेलुका ६ बजे सुरु हुने छ ।
कतार घरेलु भूमिमा उपाधि रक्षा गर्ने तघारमा छ । समूह चरणका सबै तीन खेल जितेर समूहमा पहिलो हुँदै अन्तिम १६ मा स्थान बनाएको कतारले अन्तिम १६ मा प्यालेस्टाइन माथि जित दर्ता गरेको थियो । क्वाटरफाइनलमा भने कतारले उज्वेकिस्तानलाई पेनाल्टी शूटआउटमा पराजित गरेको थियो ।
कतारका दुई प्रमुख खेलाडी हसन अल हेडोस र अक्रम अफिफ उच्च लयमा रहेका छन् ।
इरान पनि समूहमा सबै खेल जित्दै शीर्ष स्थान हासिल गरेर अन्तिम १६ मा प्रवेश गरेको थियो । अन्तिम १६ मा सिरिया माथि टाईब्रेकरमा जित हासिल गरेको इरानले क्वाटरफाइनलमा दावेदार जापान माथि अन्तिम समयमा गोल गर्दै जित हासिल गरेको थियो ।
आजको विजेताले फाइनलमा उपाधिका लागि जोर्डनको सामना गर्ने छ । जोर्डन मंगलबार दक्षिण कोरिया माथि सानदार जित दर्ता गर्दै फाइनल प्रवेश गरिसकेको छ । यो जोर्डनको इतिहासमा पहिलो फाइनल समेत रहेको छ ।
– यस समाचारको श्रोत : www.hamrokhelkud.com हो ।
