कामदार मागपत्र प्रमाणिकरण अब अनलाइनबाट हुने

कामदार मागपत्र प्रमाणिकरण अब अनलाइनबाट हुने भएको छ ।

कतारस्थित नेपाली दूतावासले आज एक सूचना प्रकाशित गर्दै कार्यालयबाट हुँदै आएको कामदार मागपत्र प्रमाणिकरणको कार्य निकट भविश्यदेखि अनलाइन प्रणालीबाट हुने बताएको छ ।

सो प्रयोजनको लागि कतारमा भएका रोजगारीदाताहरुलाई प्रयोगकर्ता दर्ताको कार्य जुलाई ०१ देखि आधिकारिक वेवसाइट https://demand.nepalconsular.gov.np/ मार्फत शुरु गरिनेछ।

रोजगारीदाताहरुले दर्ता गरिसकेपछि दूतावासबाट छिट्टै नै अनलाइन माग प्रमाणिकरण प्रक्रिया शुरु गरिने र सोको जानकारीसमेत प्रकाशन गरिने दूतावासको सूचनामा उल्लेख गरिएको छ ।