‘कृ’ ले चोर्यो ‘डन २’ को संवाद (भिडियो सहित)

नेपाली चलचित्रहरु पहिलो देखि नै बलिउडबाट प्रभाबित रहेको जगजाहिर नै छ । पुराना यस्ता चलचित्रहरु पनि छन् जसको कथा बस्तु उस्तै छन् भने केही चलचित्रहरुको संवाद उस्तै छन् । हुन त पछिल्लो समय नेपाली चलचित्रहरुको स्तर निकै बढेको छ । मुलधारका चलचित्रहरु भन्दा केही फरक धारका अनि मौलिकता भएका चलचित्रहरु निर्माण भएका छन् । तर अझै पनि नेपाली चलचित्रहरु बिदेशी चलचित्रबाट प्रभावित हुन भने छोडेको छैन् ।

चलचित्रको पोस्टरदेखि संवादहरु आज पनि हलिउडबाट प्रभावित हुने गरेको छ । त्यसमा युवास्टार अनमोल केसीको कृ पनि पर्न गएको छ । केही समय अगाडी यो चलचित्रको पोस्टर रिलिज भयो जुन पोस्टर बिदेशी फिल्मको पोस्टरबाट प्रभावित थियो । यसैगरी केही दिन अगाडीमात्र कृ को ट्रेलर पनि रिलिज भयो । जुन ट्रेलर ले पनि यतिबेला खुबै धमाल मच्चाईरहेको छ । तर त्यही ट्रेलरमा भएको एउटा संवाद बलिउड फिल्म डन २ बाट हुबहु कपी गरिएको छ ।

डन २:  “मेरे दुश्मन समझ रहेथे मै अब कभी लौट के नाआउंगा”

कृ: “मेरो दुश्मनहरुले सोचेका होलान् की म कहिल्यै फर्केर आउँदिन भनेर”

यी माथिका संवादमा फरक यति मात्र छ की यो संवाद सारुख र अनमोलले छुट्टा छुट्टै बोलका छन् । निर्माण पक्षले कृ को निर्माणमा कुनै पनि सम्झौता नगरेको दाबी गरेको छ । तर कहि न कहि कृ पनि बिदेशी फिल्मबाट प्रभावित भएको प्रस्ट छ । सुरेन्द्र पौडेलले निर्देशन गरेको कृ मा अनमोलको साथमा डेब्यु नायिका अदिती बुढाथोकी,अनुपविक्रम शाही , कामेश्वर चौरासिया लगायतको अभिनय रहेको छ ।  चलचित्र यही फेब्रुअरी ९ तरिक नेपालमा रिलिज हुँदैछ ।