‘के घर के डेरा’ प्रदर्शन हुने
कतारमा नेपाली कथानक चलचित्र ‘के घर के डेरा’ प्रदर्शन हुने भएको छ ।
नेपालमा सफल प्रदर्शन पछि नोभेम्बर १० तारिक बाट कतारका सम्पूर्ण हलहरुमा चलचित्र प्रदर्शन हुन लागेको हो ।
दीपेन्द्र के खनालद्वारा निर्देशित यस फिल्मले सहरका मध्यमवर्गको ‘घर बनाउने’ सपनाको कथा दर्शाएको छ।
जसरी सहर अनेक सपना र मान्छेको कोलाज हो, उसैगरी निर्देशक खनालले फिल्ममा अनेक चरित्रको बान्की बुनेका छन् । इमान्दार कमाइ गर्ने मान्छे, उसकी पत्नी, डन, कर्मचारी, पुलिस, व्यापारीजस्ता चरित्रको कोलाज हो यो फिल्म ।
मल्टिस्टारर फिल्ममा दयाहाङ राई, सुरक्षा पन्त, विपिन कार्की, वर्षा राउत र रविन्द्र झाको प्रमुख भूमिका छ । ‘कबड्डी ४,दुई नम्बरी र के घर के डेरा’ बाट दयाहाङ राईले सफल फिल्मको ह्याटि्रक पूरा गरिसकेका छन् ।
कतारमा फिल्मको मुख्य मिडिया पार्टनर क्युएन खबर रहेको छ ।
यो खबर पढेर तपाईलाई कस्तो महसुस भयो ? प्रतिक्रिया दिनुहोस् !
0
मनपर्यो
8
खुसी लाग्यो
0
दुःख लाग्यो
0
रुन मन लाग्यो
0
हाँसो लाग्यो
0
रीस उठ्यो
