कोरोना निको भएको तीन महिनापछि बुस्टर डोज लगाउँदा उचित हुने

कोभिड-१९ संक्रमण भै निको भएकाहरूलाई निको भएको तीन महिनापछि बुस्टर डोज लिन हमाद जनरल अस्पतालका मेडिकल निर्देशक डाक्टर युसेफ अल मस्लामनीले सल्लाह दिनुभएको छ ।

“निको भएको ६ देखि ९ महिनासम्म कोभिड विरुद्ध  शरीरमा प्रतिरक्षा प्रणाली सक्रिय भएर बस्छ । यद्यपि तीन महिना पछि बुस्टर डोज लगाउन हामी सल्लाह दिन्छौं “, कतार टिभीको एक कार्यक्रममा डाक्टर मस्लामनीले बताउनुभएको छ ।

डाक्टर मस्लामनीको अनुसार निको भएर यात्रा गर्नुपर्ने अवस्थामा एक महिनापछि खोप लगाउँदा उचित हुनेछ । अन्य देशको तुलनामा कतारले कोरोनाभाइरसबाट निको भएकाहरुलाई खोप लगाए सरह नै मान्यता दिएको छ ।