कोहलपुर एक्सप्रेस बनाउदै केकी

निशा अधिकारी, ऋचा शर्मा, दीपाश्री निरौला, झरना थापा लगायतका नायिकाहरुले फिल्म निर्माणमा हात हालिसकेका छन् । यही भीडमा अर्की एक नायिका थपिएकी छिन्, केकी अधिकारी । फिल्म ‘कोहलपुर एक्सप्रेस’बाट उनी निर्मात्री बन्न लागेकी हुन् ।चलचित्रमा केकि प्रस्तुतकर्ताको रुपमा रहेकी छिन् । चलचित्रलाई म्यूजिक भिडियो निर्देशक विशाल भण्डारीले निर्देशन गर्ने भएका छन् ।

छठ पछि फ्लोरमा जाने फिल्मको छायांकन बाँके जिल्लामा हुनेछ । फिल्मको विषयमा नायिका केकी अधिकारीले भने बताउन चाहिनन् । फिल्ममा नायिका केकी आफै मुख्य भूमिकामा रहने बताइएको छ । केकीसँगै फिल्ममा ऋचा शर्मा र प्रियंका कार्की पनि मुख्य भूमिकामा रहने छिन् । चलचित्र ‘स्वर’ मार्फत् नेपाली रजतपटमा भित्रिएकी नायिका केकीको फिल्मको पटकथा तथा संवाद शान बस्यालले लेखेका हुन् ।

यस चलचित्रमा अर्जुन पोखरेल, कालिपसाद बाँस्कोटा र राजनराज सिवाकोटीको संगीत रहनेछ भने अर्जुन तिवारीको छाँयाकन रहने आधिकारि घोषणा समारोहमा जानकारी गराईयो ।