क्लब विश्वकप : आज फ्लामेङो र अल हिलाल भिड्दै

कतारमा जारी १६ औं क्लब विश्वकप प्रतियोगिता अन्तर्गत आज दुई खेलहरु हुँदैछ ।

पहिलो खेलमा कतारको अल साद्द क्लब र टुनेसियाको एस टुनिस विरुद्ध बेलुका ५ बजे पाचौं स्थानका लागि प्रतिस्पर्धा हुँदैछ ।

दोस्रो खेलमा ब्राजिलको फ्लामेङो र साउदी अरेबियाको अल हिलाल बिच फाइनल प्रवेशका लागि बेलुका ८:३० बजे भिडन्त हुँदैछ । दुबै खेल खलिफा रंगशालामा हुनेछ ।

अल साद्द क्लबले क्वाटरफाइनलमा मेक्सिकन क्लब मोन्तेररे संग ३-२ गोलले पराजित भएको थियो ।

डिसेम्बर १८ मा हुने भनिएको एजुकेसन सिटी रंगशालाको उद्घाटन स्थगित भएपछि प्रतियोगिताको बाकी खेलहरु  खलिफा रंगशालामा सन्चालन भैरहेको छ ।