ग्रामथानमा बिहान १० बजेसम्म ४ हजार २ सय मत खस्यो

विराटनगर, मंसिर १६-

मोरङको ग्रामथान गाउँपालिकामा जारी उपनिर्वाचनमा ४ हजार बढी मत खसेको छ । बिहान १० बजेसम्म ४ हजार २०९ मत खसेको हो ।

ग्रामथानमा १२ मतदानस्थल र २९ वटा केन्द्र तोकिएको छ । ७ वटा वडा रहेको ग्रामथानमा जम्मा २६ हजार ४४ मतदाता छन् । ती मध्ये बिहान १० बजेसम्म ४ हजार २०९ जनाले मतदान गरेको मुख्य निर्वाचन अधिकृतको कार्यालयका सहायक निर्वाचन अधिकृत रामराज पौडेलले जानकारी दिए । यो कुल मतदाताको करिब १६ प्रतिशत हो ।

यस समाचारको श्रोत : www.narayanionline.com हो ।