चार यूरोपियन टिम कतार आउने

यूरो कप २०२० का लागि प्रतिस्पर्धी टिम कतार आउने भएका छन् । अर्को महिना कतारले आयोजना गर्ने मिनि प्रतियोगिताका लागि चार राष्ट्र कतार आउन लागेको हिजो एक कार्यक्रममा घोषणा गरिएको छ ।

मार्च २६ देखि ३० तारिक सम्म आयोजना हुने कतार एयरवेज अन्तर्राष्ट्रिय कपमा भाग लिन पोर्चुगल,क्रोएसिया,बेल्जियम र स्विजरल्यान्ड कतार आउन लागेको हो ।

प्रतियोगितामा क्रिश्चियानो रोनाल्डो ,फेलिक्स,रोमेलु लुकाकु, इडेन हाजार्ड,लुका मोड्रिक,थिबाउट कोर्टियस,केभिन डि ब्रोइना, लगायत अन्य चर्चित खेलाडीहरु देख्न पाइनेछ ।

प्रतियोगितामा प्रत्येक टिमले दुई म्याच खेल्नेछ । विजयी टिम उच्च अंक र गोल संख्याको आधारमा छुट्टयाईने स्विस फुटबल एसोसिएसनले   जनाएको छ ।

खेल तालिका

बिहिवार ,मार्च २६,२०२०
क्रोएसिया विरुद्ध स्विजरल्यान्ड
बेलुका ७:३० बजे

शुक्रबार,मार्च २७,२०२०
पोर्चुगल विरुद्ध बेल्जियम
बेलुका ८:३० बजे

सोमबार ,मार्च ३०,२०२०
स्विजरल्यान्ड विरुद्ध बेल्जियम
बेलुका ६ बजे

र

पोर्चुगल विरुद्ध क्रोएसिया
बेलुका ८:३० बजे

सम्पुर्ण खेल एजुकेसन सिटी रंगशालामा खेलाईनेछ र टिकट बारे विवरण आउन बाँकी रहेको छ ।