च्याम्पियन्स लिग अन्तिम १६ : रियल र पीएसजी, चेल्सी र बार्सिलोना भिड्ने

च्याम्पियन्स लिगको अन्तिम १६ को ड्र सार्वजनिक भएको छ । सोमबार जारी भएको ड्रमा निकै रोमाञ्चक भीडन्तहरु हुने तय भएका छन् । साबिक विजेता रियल म्याड्रिड फ्रेन्च च्याम्पियन पेरिस सेन्ट जर्मेनसँग भिड्ने भएको छ । त्यस्तै बार्सिलोनाले इंग्लिस च्याम्पियन चेल्सीलाई प्रतिद्वन्द्वीको रुपमा पाएको छ ।

अर्को रोचक भिडन्त युभेन्टस र टोटनहम बीच हुनेछ ।

म्यान्चेस्टर सिटीले एफसी बासेललाई आफ्नो प्रतिद्वन्द्वी पाएको छ भने लिभरपुलले पोर्टोको सामना गर्नेछ । म्यान्चेस्टर युनाइटेड र सेभियाको भिडन्त तय भएको छ भने बायर्न म्युनिखले बेसिक्टासको सामना गर्नुपर्नेछ ।
साख्तार डोनेस्कले भने एएस रोमालाई प्रतिद्वन्द्वीको रुपमा पाएको छ । अन्तिम १६ को पहिलो लेग १३–१४ फेब्रुअरी र २०–२१ फेब्रुअरीमा हुनेछ । दोस्रो लेग ६–७ मार्च र १३–१४ मार्चमा हुनेछ ।