“छक्का पन्जा ४” कतारमा तेस्रो हप्तामा पनि प्रदर्शन हुने
नेपाली कथानक चलचित्र “छक्का पन्जा ४” कतारमा तेस्रो हप्तामा पनि प्रदर्शन हुने भएको छ । रमादानको समयमा बेलुका मनोरन्जनका क्षेत्र खुल्ने अनुमति पाएसंगै फिल्म चल्ने भएको हो।
मार्च ९ देखि कतारमा प्रदर्शनमा आएको फिल्मले दुई हप्तामा एक सय भन्दा बढी शो पाएको थियो । नेपालमा मात्र नभई कतारमा पनि फिल्मले दर्शकको उल्लेखनीय साथ पाएको छ ।
हेमराज बीसीको निर्देशनमा बनेको फिल्ममा दीपकराज गिरी, दीपाश्री निरौला, केदार घिमिरे, निर्मल शर्मा, बुद्धि तामाङ, स्वस्तिमा खड्का, राज आचार्य, सुष्मा निरौला, वेदना राईलगायत कलाकारको अभिनय छ । फिल्मको कथा दीपकराज गिरीले तयार पारेका हुन् ।
फिल्मको अघिल्लो संस्करणहरुले नेपालमा सबैभन्दा बढी व्यापार गर्दै रेकर्ड राखेको छ ।
फिल्मको हाल र शो बारे जानकारी लिन यहाँ थिच्नुहोस।
यो खबर पढेर तपाईलाई कस्तो महसुस भयो ? प्रतिक्रिया दिनुहोस् !
3
मनपर्यो
0
खुसी लाग्यो
1
दुःख लाग्यो
0
रुन मन लाग्यो
0
हाँसो लाग्यो
0
रीस उठ्यो
