तीस वर्ष पछि अल अरबी क्लबलाई अमिर कपको उपाधि

अल अरबी क्लबले ५१ औं अमिर कपको उपाधि जितेको छ ।

अह्मद बिन अलि रंगशालामा आज भएको फाइनल खेलमा अरबीले अल साद क्लबलाई ३ – ० को गोल अन्तरले हराएको हो ।

अरबीको जितको लागि सोमाहले ६२,९०+८ र हमिदले ९० औं मिनेटमा गोल गरेका थिए ।

अमिर कप प्रतियोगिताको इतिहासमा अरबीको यो नवौं उपाधी हो । कलबले सन् १९९३ देखि यता पहिलोपटक उपाधि जितेको हो ।

प्रतियोगिताको समापन गर्न अमिर शेख तमिम बिन हमाद अल थानी र फिफाका अध्यक्ष जियानी इन्फाटिनाे रंगशाला पुग्नुभएको थियो ।