दोस्रो हप्ताको विजेताहरुको नाम सार्वजनिक
जारी शप कतार २०१८ अन्तर्गतको दोस्रो हप्ताको भाग्यशाली विजेताहरुको नामावली सार्वजनिक गरिएको छ। गत बिहीबार ह्याट प्लाजामा सम्पन्न लक्की ड्र मा १५ जना मध्येकाले दुई बीएम डब्लु कार र ५ लाख रियाल नगद जितेका छन्। एक करोड पचास लाख रियाल खर्च गरिएका झण्डै ७८ हजार भाउचर मध्य लक्की ड्र भएको थियो।
फेस्टिवलमा यो सँगै बलिउड हप्ताको अन्त्य हुँदै अन्तराष्ट्रिय हप्ता शुरू भएको छ।यो हप्ता अन्तराष्ट्रिय डिजाइन सँगै चर्चित अमेरिकी ब्याण्ड दि चेन स्मोकरको सांगीतिक प्रस्तुति हुँदैछ।गत हप्ता विभिन्न भारतीय लुगाको डिजाइन सँगै चर्चित नायिका करिना कपुर समावेस फेसन शो भएको थियो।त्यस्तै शुक्रबार सोनु निगमको सांगीतिक प्रस्तुति रहेको थियो।
स्थानीय तथा पर्यटकले अझै दुई हप्ता फेस्टिवल लागेका १३ मलहरुमा दुई सय रियाल भन्दा माथिको किनमेल गर्दा वा खाँदा शप कतारको लक्की ड्र मा समावेस हुन पाउनेछन्।आउँदो ड्र जनवरी २५ तारिख बिहीबार टावर मल मा हुँदैछ।त्यस्तै फेस्टिवल अन्तिम ड्र तथा समापन फेब्रुअरी ८ तारिख दोहा फेस्टिवल सिटी मा हुनेछ।
सपिङ्ग फेस्टिवल लागेका मलहरु
अल खोर मल, सिटी सेन्टर दोहा, गल्फ मल, दोहा फेस्टिवल सिटी, ह्याट प्लाजा, लगुना मल, ल्यान्डमार्क मल, मल अफ कतार, तावर मल, द गेट मल, भिलाजियो मल, इज्दान मल र दर अल सलाम मल ।
