नेपालको बाढी पहिरोप्रति कतारी अमिरको दु:ख व्यक्त

कतारका अमिर शेख तमिम बिन हमाद अल थानीले नेपालका राष्ट्रपति रामचन्द्र पौडेल समक्ष देशका विभिन्न क्षेत्रमा बाढी पहिरोमा परी ज्यान गुमाएकाहरुप्रति श्रद्धाञ्जली अर्पण गर्दै घाइतेहरुको शीघ्र स्वास्थ्यलाभको कामना गर्नुभएको कतार न्युज एजेन्सीले बताएको छ ।

नेपालमा हालै अविरल वर्षासँगै निम्तिएको विपद्का कारण काठमाडौं उपत्यकालगायत विभिन्न जिल्लामा एक सय १२ जनाको ज्यान गएको छ भने ६८ जना बेपत्ता छन् ।