नेपाल ४-१ ले विजयी

आठौं एसियन आप्रवासी फुटबल प्रतियोगिता अन्तर्गत आफ्नो चौथो  खेलमा नेपालले दक्षिण कोरियालाई  पराजित गरेको छ । अल अरबी स्पोर्ट्स क्लबको मैदानमा आज भएको खेलमा नेपालले कोरियालाई  ४-१ ले हराएको हो ।

पहिलो हाफमा टिमले आज पनि दोस्रो रोजाईको खेलाडीहरुलाई मैदानमा उतारेको थियो । खेलको १५ औं मिनेटमा नेपालले पाएको पेनाल्टीको सदुपयोग गर्दै राकेश सापकोटाले पहिलो गोल गरे । त्यस्तै २० औं मिनेटमा सापकोटालेनै नेपालको लागि दोस्रो गोल थपे ।

दोस्रो हाफमा नेपालले थप दुई गोल गर्न सफल भयो । खेलको ४२ र ५२ औं मिनेटमा डिल्ली पारा लिम्बुले गोल गरेका थिए ।

नेपालले पछिल्लो खेलमा बाङ्लादेशलाई ५-० ले पराजित गरेको थियो , भारत संग १-१ र फिलिपिन्सलाई ९-० ले हराएको थियो ।

खेल तालिका