पर्यटक भिसामा आउनेले स्वास्थ्य बिमाको मासिक ५० रियाल बुझाउनुपर्ने

कतार आउने पर्यटकले सरकारले अनिवार्य गरेको स्वास्थ्य बिमाको नाममा मासिक ५० रियाल शुल्क बुझाउनु पर्ने भएको छ ।

पर्यटक भिसामा कतार प्रवेश गर्ने यात्रुको लागि स्वास्थ्य बीमाको शुल्क आइतवार प्रकाशित आधिकारिक राजपत्रको दशौं अंकमा तोकिएको हो ।

यसअघि कतारमा पर्यटकलाई स्वास्थ्य बिमाको अनिवार्य थिएन । तर भ्रमणको बेला उपचार गर्नुपरे पुरै शुल्क पर्यटक आफैले बेहोर्नु पर्ने नियम थियो ।

नयाँ नियमले फिफा विश्वकप हेर्न आउने दर्शकलाई समेत फाइदा हुने देखिएको छ । पर्यटकले कतार बसाइको समयमा आवश्यक परेमा खण्डमा निशुल्क उपचार पाउनेछन् । त्यस्तै भिसा बढाएर बस्दा थप शुल्क पनि नलाग्ने सरकारले बताएको छ ।