फिफा विश्वकपको २० लाख ७० हजार टिकट बिक्री भयो

विश्वकप २०२२ प्रतियोगिताको २० लाख ७० हजार बढी टिकट बिक्री भैसकेको टिकट व्यवस्थापन समितिका कार्यकारी निर्देश्क हस्सन रबिया अल कुवरीले बताएका छन् ।

केहि दिन अघि खुलेको अन्तिम चरणको टिकट बिक्रिको दुई दिन भित्रमा मात्र एक लाख बीस हजार टिकट बिक्री भएको कुवरीले अल कास टिभीको एक कार्यक्रममा बताएका हुन् ।

बिक्री भएको टिकट मध्ये सबैभन्दा बढी कतारबाट १० लाख बढी टिकट खरिद भएको छ । टिकट उपलब्ध भएसम्म प्रतियोगिताको अवधिभर बिक्रिका लागि राखिनेछ । हाल केहि खेलको ८०० रियालको टिकट मात्र उपलब्ध रहेको छ । रंगशालामा टिकट खरिद गर्न पाईने भ्रममा नपर्न कुवरीले भनेका छन् ।