मैत्रीपूर्ण खेल खेल्न नेपाली टोली कतार आईपुग्यो
एएफसी एसियन कप छनौटको लागि तयारी गर्दै गरेको नेपाली राष्ट्रिय पुरुष फुटबल टिम दुई मैत्रीपूर्ण फुटबल म्याच खेल्न कतार आईपुगेको छ ।
टिमलाई एन्फाले हिजो एक कार्यक्रमको आयोजना गर्दै बिदाई गरेको थियो ।
यता कतार फुटबल एसोसिएसनले मैत्रीपूर्ण खेलहरुको खेलतालिका आज सार्वजनिक गरेको छ । तालिकाअनुसार नेपालले मे २८ मा टिमोर लेस्टेसँग ग्राण्ड हमाद स्टेडियममा र जुन ३ तारिक सुहिम बिन हमाद स्टेडियममा ओमानसंग खेल्ने तय भएको छ ।
एसियन कप छनौटतर्फ नेपाल कै समूहमा रहेको जोर्डनले पनि कतार मै भारत र अष्ट्रेलियासँग दुई मैत्रीपूर्ण फुटबल म्याच खेल्ने कार्यक्रम छ ।
QFA hosts preparation camps for seven Asian teams, and five friendly matches
Read more: https://t.co/uamB8Youne pic.twitter.com/XtX5nvGKb1
— Qatar Football Association (@QFA_EN) May 25, 2022
एएफसी एसियन कप छनौट खेल्न नेपाली टिम कतारबाट कुवेत प्रस्थान गर्नेछ ।
समूह ए मा परेको नेपालले आयोजक कुवेतसँगै जोर्डन र इण्डोनेसियासँग खेल्नेछ । जुन ८ तारीखका दिन नेपालले जोर्डनसँग खेल्दै छनौट प्रतियोगिताको शुरुवात गर्नेछ । त्यस्तै नेपालले ११ जुनका दिन कुवेत तथा १४ जुनका दिन इण्डोनेसियासँग खेल्नेछ ।
