वरियतामा तल्लो स्तरमा रहेको कतारद्धारा नेपाल ४ विकेटले पराजित
सिंगापुरमा भइरहेको टि–२० विश्वकप छनौट एशिया फाइनलमा नेपाल पहिलो खेलमै पराजित भएको छ । नेपाल भन्दा वरियतामा तल्लो स्तरमा रहेको कतारले नेपाललाई ४ विकेटले पराजित गरेको हो ।
नेपालले दिएको १२३ रनको झिनो लक्ष्य कतारले १९.२ ओभरमा ६ विकेट गुमाउँदै १२४ रन बनाउँदै पहिलो जित हात पा¥यो । नेपालका लागि सन्दीप लामिछानेले ३ विकेट लिए । यस्तै टस जितेर पहिले व्याटिङ गरेको नेपाल १२२ रनमा अलआउट भयो । नेपालका लागि दीपेन्द्र सिंह ऐरीले ३४, कप्तान पारस खड्का २८ र मल्ल २३ रन बनाएर आउट भए । अन्य व्याट्सम्यान उल्लेखीय प्रदर्शन गर्न सकेनन् ।
आजको खेलमा पराजित भएसंगै विश्वकप छनौटको ग्लोबल क्वालिफायरमा प्रवेश गर्न नेपाललाई कठिन अवस्था सिर्जना भएको छ ।
छनोट प्रतियोगितामा नेपालसहित आयोजक सिंगापुर, कुवेत, मलेसिया र कतार गरी पाँच राष्ट्रको सहभागिता रहेको छ । नेपालले साउन ८ गते मलेसियासँग दोस्रो, साउन ११ गते कुवेतसँग तेस्रो र साउन १२ गते आयोजक सिंगापुरसँग चौथो खेल खेल्नेछ।
उक्त प्रतियोगिताको शीर्ष स्थानमा आउने एउटा टोलीले टीट्वेन्टी विश्वकपको ग्लोबल क्वालिफायर ९विश्वस्तरीय छनोट० खेल्ने अवसर पाउनेछ । विश्वस्तरीय छनोट प्रतियोगिता आगामी अक्टोबरमा संयुक्त अरब इमिरेट्स ९यूएई० मा आयोजना हुनेछ । १४ टोलीको सहभागिता रहने विश्वस्तरीय छनोट प्रतियोगिताको शीर्ष स्थानमा आउने ६ टोलीले भने सन् २०२० मा अस्ट्रेलियामा आयोजना हुने टीट्वेन्टी विश्वकप खेल्ने अवसर पाउनेछन् ।
