विश्वकपको बेला दूतावास चार घन्टा मात्रै खुल्ने

विश्वकपको समयमा कतारस्थित नेपाली दूतावास चार घन्टा मात्रै खुल्ने भएको छ ।

नोभेम्बर १३ बाट डिसेम्बर १९ सम्म कार्यालय बिहान ७ देखि ११ बजे सम्म खुला रहने दूतावासले आज एक सूचना मार्फत जानकारी गराएको छ ।

अत्यावश्यक तथा कन्सुलर सेवाका लागि ४४६७५६८१ र  ४४६७५६८३ नम्बरमा दिउँसो २ बजेसम्म सम्पर्क गर्न सकिने दूतावासले बताएको छ ।

प्रतियोगिताको बेला सरकारी कार्यालयको कार्यसमय घटाउने कतार सरकारको मन्त्रीपरिषदको निर्णय बमोजिम कार्यसमय परिवर्तन गरिएको सूचनामा उल्लेख गरिएको छ ।